தினம் தினம் காதலர் தினம்

காலை வருகையில்
தொடங்குவதில்லை
நீ
சாலையில் வருகையில்
தொடங்குகிறது என்
நாட்கள்

தேநீர் கொடுப்பதில்லை
உன் புன்னகை
பருகும்போது கிடைக்கும்
அத்தனை புத்துணர்ச்சி

கணிப்பொறி மாணவன்
நான்
ஒரு கன்னிப்பொறியில்
அடைத்தவள்
நீ

உன் தரிசனத்திற்கு
மட்டுமே தரை இறங்குகிறேன்
நான்
இறங்கும் பொழுதெல்லாம்
முழு அடைப்பு அறிவிக்கிறாய்
நீ

உன்னை பார்க்காத
மதியம் மாலை
எல்லாமே
விடியாத இரவு
எனக்கு

நம்பிக்கை இல்லாதவர்கள்
கடவுள் என்கிறார்கள்
நம்பிக்கையுள்ளவர்கள்
காதல் என்கிறோம்

பி.கு: மக்கள்ஸ், எல்லாரும் நல்லா இருப்பீங்கன்னு நம்பறேன். இது சும்மா Valentine's day கொலை முயற்சி. நீங்க feel பண்ணாதீங்க. அப்பாலிக்கா எல்லாரையும் வந்து meet பண்றேன்.

அதுவரை, Happy Valentine's day :)

Corollary: காதலிக்கறவங்களுக்குதான் நாளைக்கு காதலர் தினம். நமக்கெல்லாம் daily daily valentine's day தான் :)

Happy Birthday Guru :)

இன்று பிறந்தநாள் கொண்டாடும் என் குரு வேதா அவர்களுக்கு இனிய பிறந்தநாள் வாழ்த்துக்கள்.

நீண்ட ஆயுளும், குறைவில்லாத ஆரோக்கியமும், நிறைந்த அன்பும், நடுங்க விடாத செல்வமும், குற்றம் சொல்லாத சுற்றமும், தேவையில் துனை நிற்கும் நட்பும், குன்றாத சந்தோஷமும் என்றும் கிடைக்க அந்த இறைவனை வேண்டிக்கொள்கிறேன்.

இனிய பிறந்தநாள் வாழ்த்துக்கள் குரு :)

எனக்கு பிடித்த பாடல்

Another superb melody from Illayaraja. மொக்க படமா இருந்தா கூட அதுக்கு அட்டகாசமா பாட்டு போட அவர அடிச்சிக்க ஆளே இல்லை. ஜேசுதாஸும், சித்ராவும் கரையும்...

[பார்க்க]

சொர்க்கத்தின் வாசற்படி

சித்தாரா சூப்பர் :)

[படிக்க]

[பல்லவி]

சொர்க்கத்தின் வாசற்படி
எண்ணக்கனவுகளில்

பெண்ணல்ல நீ எனக்கு
வண்ணக்களஞ்சியமே

சின்ன மலர்க்கொடியே
நெஞ்சில்
சிந்தும் பனித்துளியே

[சரணம் 1]

உன்னாலே உண்டாகும் ஞாபகங்கள்
ஒன்றிரண்டு அல்லவே

ஒன்றுக்குள் ஒன்றான நீர் அலைகள்
என்றும் இரண்டல்லவே

சிற்றன்ன வாசலின் ஓவியமே
சிந்தைக்குள் ஊறிய காவியமே

எங்கே நீ அங்கேதான் நானிருப்பேன்
எப்போதும் நீ ஆட தோள் கொடுப்பேன்

மோகத்தில் நான் படிக்கும்
மாணிக்கவாசகமே
நான் சொல்லும் பாடலெல்லாம்
நீ தந்த யாசகமே

[சொர்க்கத்தின் வாசற்படி...]

[சரணம் 2]

உன்னாலே நான்கொண்ட காயங்களை
முன்னும் பின்னும் அறிவேன்

கண்ணாலே நீ செய்யும் மாயங்களை
இன்றும் என்றும் அறிவேன்

மின்சாரம் போல்எனை தாக்குகிறாய்
மஞ்சத்தை போர்க்களம் ஆக்குகிறாய்

கண்ணே உன் கண் என்ன வேலினமோ
கை தொட்டால் மெய் தொட்டால் வீழ்த்திடுமோ

கோட்டைக்குள் நீ புகுந்து
வேட்டைகள் ஆடுகிறாய்
நான் இங்கு தோற்றுவிட்டேன்
நீ என்னை ஆளுகிறாய்

[சொர்க்கத்தின் வாசற்படி...]

P.S: எல்லோருக்கும் இனிய நண்பர்கள் தின வாழ்த்துக்கள் :)

நீங்கள் இல்லாமல்...

எலே பரணி, என்னலே blog பக்கமெல்லாம் உன் பொறந்தநாள் திருவிழா கணக்கா இருக்குது.
அட ஆமாலே, எல்லாம் நம்ம சிநேகிதக்கார புள்ளங்கதாம்லே. அசத்திபுட்டாங்க.

பாசக்கார பய புள்ளகளா இருப்பாக போல, எங்க போனாலும் ஒரே வாழ்த்து பதிவா இருக்குலே.
ஆமாலே, பதிவு, போனு, இமெயிலு, கமெண்டுன்னு திக்கு முக்காட வச்சிடாங்கலே.

குடுத்துவச்சவம்லே நீ. திரும்ப என்ன பண்ண போறம்லே?
அதாம்லே எனக்கும் தெரியல. இவ்ளோ அன்புக்கு தகுதியிருக்கான்னு தெரியலலே.

கடவுள்னு ஒருத்தர் இருந்தா, அவர் எப்பவும் இவங்க கூடவே இருந்து இவங்க எல்லாரையும் பாத்துகனும்லே.

அட கிறுக்குபயலே, இதுக்கு ஏம்லே கண்ணுல தண்ணி வக்கிறே?
எலே பக்கதில யாரோ வெங்காயம் வெட்றாங்கலே....

P.S: ஊருக்கு போயிட்டேன். அதனால் தான் நன்றி நவிலல் சற்று தாமதமாகிவிட்டது. ஒன்னே ஒன்னு சொல்லிக்கறேன்.

நீங்கள் இல்லாமல்...நான் இங்கு இல்லை...இல்லை

காதலும் காதல் நிமித்தமும்

1. ஒரு tagஅ ஒரு தடவை எழுதறதே ரொம்ப கஷ்டம். இப்பலாம் எல்லா tagயும் ரெண்டு தடவை எழுதறேன்.(அந்த அளவுக்கு வெட்டி இல்ல, மக்கள் அந்த அளவு பாசமா இருக்காங்க. அந்த பாசத்துக்கு நான் அடிமை).

2. குருவின் ஆணைக்கு பனிந்து(பயந்து) இந்த கவிதை tagஐ தொடருகிறேன். (குரு, வேணுன்னே வேணுன்னே தானே என்னை மாட்டி விட்டீங்க)

3. குருவின் புது விதியின் படி கவிதை கடைசியாக Dreamzzஇடம் கொடுக்கப்பட வேண்டும். (அப்பாடா நிம்மதியா இருக்கு....என்னை மட்டும் மாட்டி விட்டீங்கள்ள...நல்லா வேணும்)

4. நான் அடுத்து tag செய்வது All in All அழகுராஜா மாம்ஸ் கார்த்திக் :)

குரு நன்றே முடித்தது:

கேள்விக்கு பதில்தேடி
கோவிலின் படியேறினேன்
என் தெய்வத்தை தரிசிக்க!

இனி என் கொலை:

வரம் வேண்டி
கோவில் வந்ததுண்டு
வாழ்க்கை வேண்டி

முதல் முறை

இதயத்தின் பயன்
சுவாசிப்பது
நேசிப்பது

நேசிக்காமல்
சுவாசிக்கும்
இதயம் இருந்து
என்ன பயன்

உன்னை நேசித்தேன்

க ங ச
தெரியாது எனக்கு
கவிதை எழுத
தொடங்கியதெல்லாம்
உன் கண்களில்
படித்த பின்புதான்

கண்களில் தொடங்கி
காதல் வரை
படித்துவிட்டேன்

தேர்வு இன்று

முடிவு பற்றி
அக்கறையில்லை
முயற்சிதான் முக்கியம்
வெளியே சொன்னாலும்
உள்ளுக்குள் அதிரும்
இதயம்

ஊரையே எழுப்புதடி

காதல் மேல்
நம்பிக்கை வைத்து
வந்துவிட்டேன்

என் வழி தேடி
உன் விழி தேடி

ஏனெனில்

நல்லன எல்லாம் தரும்
அவளின் கடைக்கண்களும்!

Thinking blogger awards 2007

Update: மக்களே, எல்லாரையும் பற்றி எல்லாரும் comments sectionல பேசி இருக்காங்க. எல்லாரும் miss பண்ணாம படிங்க. ஒரு postஆ போட வேண்டிய விஷயங்கள் எல்லாம் commentsல். நன்றி ஹை :)

வழங்குவது பரணி.

Supported by Marutham (Thanks for the tag, Marutham. But இந்த tagஅ நான் கொஞ்சம் customize பண்ணிட்டேன். Sorry for that :-)

1. All in All: கதை, கவிதை, கட்டுரை, பயணக்கட்டுரை, சினிபிட்ஸ் எல்லாத்த பத்தியும் எழுதும் மாம்ஸ் மு.க. அவர் அளவுக்கு எழுதறதுக்கு 10,15 assistants போட்டா கூட நடக்காது.

2. கவிப்பேரரசி: குரு வேதா அவர்களின் கவிதைக்கு நான் அடிமை. எல்லா விஷயத்த பற்றியும் இவங்களால கவிதைல சொல்ல முடியும். அவங்க தமிழ் ஆற்றலுக்கு நான் எப்பவும் சிஷ்யன்.

3. (காதல்)கதைச்செல்வி: கதை, அதிலும் காதல் கதை எழுதறதுக்கு பிரியாவை அடிச்சிக்க இன்னொருத்தர் புதுசா பொறந்துதான் வரனும்.

4. Comedy Kings: அம்பி, அருண், ஷ்யாம் இவங்க அளவுக்கு comedyயா எழுத யாரும் இருக்கர மாதிரி எனக்கு தெரியல ('இத விட கம்மியான காசுக்கு washing machine வேனுன்னா நான் தான் உங்க வீட்டுக்கு தொவச்சி போடனும்'...இந்த dialog ஒரு sample தான்). இவங்க மூனு பேரும் ஒன்னுகூடினா சுத்தி இருக்கறவங்க கண்ணில் நீர் (சிரிச்சி...சிரிச்சி). (பி.கு: அண்ணன்s நான் உங்களை வச்சி எதுவும் comedy பண்ணல. நம்புங்க :)

5. குட்டிப்பொண்ணு: ரம்யா. blog உலக செல்லப்பொண்ணு. இவங்க போடுற postaவிட commentsதான் famous. commentsல ஆப்பு வைப்பதில் specialist. smithaன்னு ஒரு 2 வயசு குழந்தைய நான் கூப்பிட, அது வாராம போக, அதுக்கு 'smithaa paathu adicha kannu, ava kudutha unnaku bun-u'ன்னு இவங்க போட்ட commentஅ படிச்சி ஊரெல்லாம் என்ன பார்த்து கை கொட்டி சிரிச்சத....இப்ப நெனச்சாலும்....பாசக்கார பொண்ணு.

6. பாடும் நிலா: மருதம். blog உலக பாட்டுக்குயில். தியேட்டர் போய் படம் பார்க்காத இவங்க பாட்டு எல்லா தியேட்டர்லயும் ஒருநாள் கேட்க போகுது. "நின்னை சரனைடைந்தேன்" என்னோட fav. பாட்டு மட்டும் இல்லீங்க, dancer, superஆ glass painting பண்ணுவாங்க, பயங்கர padips...எல்லாத்த விட superஆ bulb வாங்குவாங்க :)

7. வாழ்த்து Specialist: G3. எல்லாரோட birthday, blogger meet, marriage இப்படி எந்த நாள் ஆனாலும் அவங்கள வாழ்த்தி, functionஅ அப்படியே தத்ரூபமா retelecast பண்ணுவதில் இவங்களுக்கு இணை இவங்க தான். 3000 comments வாங்கி கின்னஸ் bookல இடம் பிடித்து இருப்பதுதான் இவங்களோட latest சாதனை.

8. பாட்டுக்குயில்கள்: kittu maama and maami. made for each other. அவங்க duets எல்லாம் கேட்க குடுத்து வச்சி இருக்கனும். 'சகலகலாவல்லவனே'ன்னு இவங்க maamsஅ பார்த்து பாடுறதும், 'உருகுதே மருகுதே' அவர் மாமியை பார்த்து பாடுறதும் செம romantic.

9. விஜய T.R: Gops. post-o, comments-o எங்க போனாலும் T.R மாதிரி நாலு கவிதை(???) போட்டு கலாய்ப்பதில் மண்ணன். அதே மாதிரி எல்லாத்த பற்றியும் எழுதுவான். கருப்பு கண்ணாடி, ஜன்னல், slam book இப்படி எத பத்தி வேனாலும் எழுதறதுல இவனும் ஒரு allrounder.

10. Comedy Queens: Porkodi, MyFriend. பொண்ணுங்க இந்த அளவுக்கு comicஆ எழுதுவாங்கலான்னு நான் ஆச்சரிய படுறது இவங்கள பார்த்துதான். அதிலும் கொடி பண்ற ரவுசுக்கு அளவே இல்ல. ரங்கமணி எப்படி சமாளிக்கறாரோ :)

11. தத்துவஞானி: dreamzz. எப்ப எப்படிபட்ட post போடுவார்னே தெரியாது. 'தேவதை ஊர்வலம்' ஒரு நாள் light weighted கவிதை போட்ட மறுநாள் 'சாதிகள் இல்லையடி பாப்பா'ன்னு heavy duty post போடுவாரு. இவர் எழுதற நிறைய விஷயத்த புரிஞ்சிக்கற அளவுக்கு எனக்கு வயசு பத்தாது :)

12. Bold Comment Bro: k4k. 25அ 25 தடவை, 500அ 500 தடவைன்னு boldல comment போட்டு அலற வைப்பதில் கில்லாடி. இவரோட comedyக்கும் நான் ரசிகன். அண்ணிக்கிட்ட அப்பளக்கட்டையால வாங்கின அடியை எல்லாம் மறைத்து சமாளிச்சி சிரிக்கும் leher :)

13. Science Student: Raji. படம் போட்டு பாகம் குறிப்பதில், சே, கவிதை போடுவதில் பயங்கர பெரியவங்க.

14. இங்கிலீஷ்க்காரங்க: KK & Prithz. இவங்க post எல்லாம் படிச்சி பாதி நேரம் stomach burn தான். எப்படி englishல இவ்ளோ interestingஆ post போட முடியும் யோசிச்சே பாதி நாள் no sleep. அதிலயும் englishல comedy பண்ற kkக்கு ஒரு சலாம்.

P.S: இந்த tag actually எப்படி இருக்கனும்னு தெரிஞ்ச்சிக்க இங்க படிங்க. நான் கொஞ்சம்(????) மாத்திட்டேன். இதில் நான் குறிப்பிட்டுள்ள எல்லாரும் அவங்களுக்கு புடிச்சவங்களுக்கு இந்த awards குடுக்காலாம்.

post கொஞ்சம்(????) பெருசா போயிடிச்சி. பாத்து போட்டு குடுங்க. இந்த postக்கு நீங்க comment போடுறதுக்குள்ள் போன postக்கு நான் reply போட்டுடறேன். அடிக்க வராதீங்க pls...

Random Thoughts

ஒன்னுமே புரியல உலகத்துல
என்னமோ நடக்குது
மர்மமா இருக்குது.

கடவுளே, நண்பர்களிடம் இருந்து என்னை காப்பாத்து
எதிரிகளை நான் பார்த்துக்கொள்கிறேன்.

உங்கள் நண்பர்களிடம் அன்பு கொள்ளுங்கள்,
அன்பை ஆயுதமாக்கி கொல்லாதீர்கள்.

நான் மட்டும் இரவில் தனிமையில் நடப்பேன்
நடைபாதை கடையில் தேனீர் குடிப்பேன்.

சாலையில் நானாக போனதும் இல்லை
சமயத்தில் நானாக ஆனதும் இல்லை.

உன்னை காதலிக்க காரணம் எல்லாம் தேவையில்லை
அப்படி தேவையென்றால் அது காதலாகவே இருக்கட்டும்.

புது உலக அதிசயம்ன்னு யாரோ ஒரு dog சொன்னத நம்பி மாஞ்சி மாஞ்சி ஓட்டு போட்ட நாம எல்லாம் புத்திசாலிங்க. மாத்தி மாத்தி dmkக்கும் admkக்கும் ஓட்டு போடுறவங்க கேனையனுங்க.

இன்னைக்கு busல வந்த மஞ்ச சுரிதார் சூப்பரப்பு. என்ன projectனு நாளைக்கு விசாரிக்கனும்.

என்னைக்குதான் உருப்படியா ஒரு post போடப்போறேனோ.

P.S: ஒரு 5 நிமிடம் என்ன மனசில ஓடுதுன்னு observe பண்ணினப்ப வந்த matters இதெல்லாம். இன்னும் நிறைய தோனிச்சி. some are not suitable to write. refined matters மட்டும் இங்க. மனசு ஒரு dustbinனு சும்மாவா சொன்னாங்க :(

கண்களால் காதல் செய்

அலைபாயும் மனது
உன்
விழிகளில் விழுந்ததும்
அமைதியானது
தியானம் கற்றேன்

தேடித்தேடி
தொலைந்து போனவன்
நான்
கண்டுபிடித்தது உன்
காதல்
கண்டெடுத்து
சிறையில் அடைப்பது
காதலி விழி
காதல் விதி

பட்டாம்பூச்சிகள் பிடித்து
பழகியவன் நான்
ஒரு
பட்டாம்பூச்சிக்கு என்னை
பிடித்துப்போனது
வரம்

மலர் திறக்கும் வண்டுகள்
தெரியும்
மனம் திறக்கும் வண்டுகள்
உன் கண்கள்

தேவதை கனவுகள்
வரும் எனக்கு
என்
கனவுதேவதை
நீ

தேடிக் கொல்வது
வதை
தேடவைத்து கொல்வது
தேவதை

P.S: Dreamzz எழுத சொன்ன கவிதை(???) tag இது. போதும்டா சாமி. நம்மால முடியாது. சாதா tag எழுதவே பாதி முடியை பிச்சிக்க வேண்டி இருக்கு. இந்த மாதிரி கவிதை tag நாலு எழுதினா சோ தலை மாதிரி ஆயிடும் என் தலை,இப்பவே பாதி சோ மாதிரி தான் இருக்கு :(

ஆகவே நண்பர்களே, நல்லவர்களே எந்த problemஆ இருந்தாலும் பேசி தீர்த்துக்கலாம். இப்படி எக்கசெக்கமா மாட்டி விட்றாதீங்க.

அதனால நல்ல பையனா நான், குட்டி பொண்ணு ரம்யாவ மட்டும் மாட்டிவிட்டுட்டு escape :)

எட்டு எட்டா பிரிச்சாச்சி

இந்த எட்டு போடுறது, ரூட்டு போடுறது(??) இதெல்லாம் நமக்கு வராதுங்க. இது தெரியாம G3 மாட்டி விட்டுடாங்க. அவங்க பாசத்துக்கு ஒரு நன்றியை சொல்லிக்கிட்டு,

சரி சமாளிப்போம்.

இந்த எட்டு matters-um என்னை பற்றித்தான். ஆனால், சரி படிச்சி தெரிஞ்ச்சிக்கங்க. Rules ,as usual, are broken as per my convenience.

(0-8): எப்படி இருந்தேன்னு எனக்கு ஞாபகம் இல்லை. வீட்ல விசாரிச்சப்ப சட்டை போட்ட குரங்கு வந்தா வேடிக்கை பார்த்துக்கிட்டு, சாப்பிடும் போது அடுத்தவங்க tiffex boxஅ பார்க்காத, uniform tieஐ கடிச்சிட்டு வந்து அடிவாங்கிக்கிட்டு, வீட்டு வாசலில் அமர்ந்து தெருவில் விளையாடும் பசங்களை வேடிக்கை பார்க்கும் ஒரு பையனாத்தான் இருந்து இருக்கேன்.

(9-16): படிப்பிற்க்காக மாமா என்ன madras கூட்டிட்டு வந்துட்டாங்க. மாமா பேர காப்பாத்த படிப்பு தவிர வேறெதுவும் செய்ததில்லை. ரொம்ப படிச்சதில் 10வதில் school first வந்துட்டேன். இன்று வரை நான் பெருமையாக நினைக்கும் ஒரே விஷயம் இதுதான்.

(17-24): அடிச்சி புடிச்சி 12 முடிச்சி, medical கிடைக்காம அழுது, engineering படிச்சி, ஒரு வருஷம் அப்படி இப்படி ஓட்டி, tcs join பண்ணி, இதோ 4 வருஷம் ஓடிபோச்சி. என்னை வளர்த்து ஆளாக்கின பெரியம்மாவை இழந்தது மற்ற எதுக்குமே பெருமை பட்டுக்க முடியாம போச்சி.

(25-32): எதோ ஒரு பாவப்பட்ட ஜீவன் என்கிட்ட வாக்கப்பட போகுது. எனக்கு அவள புரிஞ்சி, அவளுக்கு என்னை புரிஞ்சி, சுத்தி உள்ளவங்க கொளுத்தி போடுறதெல்லாம் வெடிக்க விடமா போராடி, வாரத்தில பாதி நாள் satyamல 3 மணி showக்கு ரெண்டு டிக்கெட் போட்டு, foneஅ போட்டு வர சொல்லி, நானும் வேலை பார்க்காம, அவளயும் பார்க்க விடாம....ஷ்ஷ்ஷ்ஷ் ஒன்னும் சொல்றதுக்கில்லை.

(33-40): நானே ஒரு குழந்தை. இதில எனக்கு....நமக்கு இந்த twins, tripletsன்னா ரொம்ப பிடிக்கும். அப்படி எதாச்சும் நடந்து....அடடா அவங்களுக்கு கொஞ்சம் பணம் சம்பாதிக்கனும். அதை விட முக்கியம் அவங்களுக்கு homework பண்ணி குடுக்கனும். ரொம்ப முக்கியம் தாத்தா, பாட்டி கிட்ட அவங்க கதை கேட்டு வளரனும்.

(41-48): இங்க கொஞ்சம் tedious ஆகுது. officல pressure, வீட்ல pressure cookerன்னு ஏகப்பட்ட problems. எப்பவுமே smoothஆ போனா life bore அடிச்சிடும் இல்ல. so கொஞ்சம் போராட்டம். எல்லா நேரத்துலயும் support பண்ற family இருக்கறதுனால அப்படி இப்படின்னு சமாளிக்கிறேன்.

(49-56): உனக்கு தான் திறமை இல்ல. நாங்களும் அப்படியான்னு கேட்டு பசங்க பெரிய படிப்பெல்லாம் படிச்சி பெரிய ஆளா ஆகிட்டாங்க. அதுக்கு முன்னாடி ஆளுக்கொரு ஆளு புடிச்சிட்டாங்க. இப்ப அதிகாரம் எல்லாம் அவங்க கையில, நாம என்னத்த சொல்ல. இதுக்கு நடுவில சில உறவுகளின் இழப்புகள். சில உறவுகளின் வரவுகள்.

(57-64): இதுக்கு மேல இருந்து என்னங்க பண்ணப்போறோம்னு better half கேட்க, அதுவும் சரி தான்னு packup :)

மனசாட்சி: சேரன் படம் பார்த்துட்டு வந்த effect. நான் இல்லாத மாதிரியே எழுதியிருக்க.

முக்கியாம பகுதி: நான் மட்டும் மாட்டினா போதுமா. So நான் இவங்களை எல்லாம் மாட்டி விடுறேன்.

1. Ambi

2. Arun

3. Dreamzz

4. k4k

5. Maams

6. Kittu

7. Sumathi

8. Senthil

விளையாட்டின் விதிகள்:

1. ஆடுபவர் தன்னைப்பற்றிய 8 தகவல்களை எழுத வேண்டும், அதன் கீழ் இந்த விதிகளையும் எழுதவேண்டும்.

2. தொடர்ந்து எட்டுபேரை இந்த விளையாட்டிற்கு அழைக்க வேண்டும்; அவர்களுக்கு இந்த அழைப்பைப் பற்றி அறியத் தரவேண்டும்.

3. தொடர்பவர்(கள்) இதேபோல் எட்டு தகவல்களையும், விதிகளையும் எழுதி வேறு எட்டுபேரை அழைக்க வேண்டும்

சத்தம் போடாதே

Yuvan and Vasanth combo rocks again in Satham Podathey. I loved 4 of the 5 compositions, this one being my favourite. Superb lyrics by na.muthukumar and a soothing singing by Adnan Sami (தமிழ் தாண்டவம் ஆடுது Adnan Sami நாக்குல ;-)). உணவுகள் பிடிக்கல sequence simply superb.

[பல்லவி]

இந்த காதல் என்னும் பூதம் வந்து ஏன்
என்னை கொல்லுகின்றதோ

இந்த இன்பமான இம்சையில ஏன்
நெஞ்சம் துள்ளுகின்றதோ

காதலே காதலே நிம்மதி கொடுக்கின்றது
காதலே காதலே நிம்மதி கெடுக்கின்றது

உணவுகள் பிடிக்கல கனவுகள் பிடிக்குது
காதலின் போதைக்கு அளவு இல்ல

நண்பர்கள் பிடிக்கல நாய்க்குட்டி பிடிக்குது
காதலின் கிறுக்குக்கு அளவு இல்ல

[சரணம் 1]

காதல், காத்திருந்தால் எதிரில் செல்லும் பேருந்தா
பட்டம் பறந்தபின்னே கையில் மிஞ்சும் நூல்கன்டா

காதல் காய்ச்சலுக்கு காதல் மட்டும்தான் மருந்தா
எட்டி உதைக்க எந்தன் உள்ளம் என்ன கால்பந்தா

கண்ணாடி என் நெஞ்சம் தானடி தானடி
உன் கையில் கல் இன்று ஏனடி ஏனடி

உதடுவரை ஓர் வார்த்தை வந்ததடி
உனைக்கண்டு ஏய் அது தொண்டையில் தினறுதடி

[உணவுகள்...]

[சரணம் 2]

நண்பா, என் காதல் என்ன ஆகும் என்றேனே
வாசல் கோலம் அது பார்த்து நடக்க சொன்னானே

காதல் இல்லாமல் தூக்கம் இல்லை என்றேனே
காதல் இருந்தாலும் தூக்கம் இல்லை என்றாளே

சொல்லாத ஆசைகள் ஏனடி ஏனடி
நெஞ்சோடு ஏக்கங்கள் ஏனடி ஏனடி

நஞ்சென்றால் ஏய் ஒருமுறை கொல்லுமடி
நினைவுகளோ ஹேய் பலமுறை கொல்லுதடி

[உணவுகள்...]

கொசுறு:

பேசுகிறேன்... பாட்டுல வர lines இது. எனக்கு ரொம்ப பிடிச்சது.

கடல் தாண்டும் பறவைக்கெல்லாம்
இளைப்பார மரங்கள் இல்லை
கலங்காமலே கண்டம் தாண்டுமே

முற்றுப்புள்ளி அருகில் நீயும்
மீண்டும் சின்ன புள்ளிகள் வைத்தால்
முடிவென்பதும் ஆரம்பமே

இன்றைய மொக்கை

மண்டைய காப்பாத்த helmet போடலாம்
helmetஅ காப்பாத்த மண்டைய போட முடியுமா (யோசிங்க)

courtesy: அரசு (தமிழக அரசு இல்ல)

தினம் தினம் பாட்டு கேட்கிறோம்
அந்த பாட்டுக்கு ஒரு தினம் இருக்கா (மண்டைய பிச்சிக்கங்க)

courtesy: BIG FM

தலையில 'N''I' தடவலாம்,
A-Z தடவ முடியுமா ('N''I' தடவி பாருங்க. பிச்சிக்கிட்ட முடி வளரும்)

தீவாளிக்கு dress pothys-லயும் எடுக்கலாம், chennai silks-லயும் எடுக்கலாம்
ஆனா பக்கத்து வீட்டு கொடியில இருந்து எடுத்தா, freeஆ எடுக்கலாம் (இன்னா idea-பா)

coutesy: Radio One

அட சிரிங்கப்பா :)

இனி ஒரு tag செய்வோம்

நம்ம நாடு சுதந்திரம் வாங்கி 50 வருஷத்துக்கு மேல ஆச்சி (மனோரமா இல்ல....அண்ணன் அம்பி கண்டுக்க கூடாது). இன்னும் நாம ஒரு tag ஆரம்பிக்கலயே அப்படின்ற வருத்தம் எனக்கு சின்ன வயசில இருந்தே இருக்கு (No...No...No violence.... please....எதா இருந்தாலும் பேசி தீர்த்துக்குவோம்...அடிக்க எல்லாம் வர கூடாது....ஆமாம்)

என்ன tag ஆரம்பிக்கலாம்னு மண்டைய போட்டு பிச்சிக்கலாம்னு தான் நெனச்சேன். மண்டையில இருக்கற முடி நிலவரம் கொஞ்சம் கலவரம் கொடுக்க....சொரி....சே....சரி...ஏறகனவே blogல மரம் வளர்க்கிற ideaவ use பண்ணிக்கலாம்னு முடிவு பண்ணிட்டேன்.

முதல்ல condition. ஒன்னே ஒன்னுதான்.

1 (a). ஒரே ஒரு ஆளத்தான் tag பண்ணனும். கண்டிப்பா ஒரு ஆள tag பண்ணனும் (வார்த்தை இன்னாமா வெளயாடுதுடா பரணி)

1 (b). tag படிச்ச 2 (அ) 3 நாளுக்குள்ளே tagged person post போட்டுடனும் (என்னா ஒரு வில்லத்தனம்)

okies. இப்ப கதைக்கு($#^%&%) போலாம். குரு, மாம்ஸ், Priya எல்லாரும் மன்னிச்சிக்கங்க. விதி வலியது.

-------

கதை நடக்கிறது (அது எப்படி நடக்கும்னு எல்லாம் வெறுப்பேத்த கூடாது) june போனா july வரும் இந்த காலம் இல்ல. March போனா september வரும் அந்தக் கால கல்லூரி காலம்.

துப்பாக்கி இல்லாமலே சுட்டுக்கிட்டு இருந்தது சென்னை சூரியன் (wow...wow...wow). வசதி இருக்கறவங்க cooling glass போட்டுக்கிட்டு இருந்தாங்க. வசதி இல்லாதவங்க coolingஆ ஒரு glass மோர் அடிச்சிக்கிட்டு இருந்தாங்க(அடடா.... அடடா....).

உன்மையான கல்வி வகுப்புக்கு வெளியேதான் கிடைக்கும்னு யாரோ சொன்னத correctஆ தப்பா புரிஞ்சிக்கிட்ட ஒரு இளைஞர் கூட்டம் அந்த கல்லூரிக்கு எதிரில் உள்ள குட்டி(அந்த குட்டி இல்ல) சுவத்துல உட்கார்ந்து இருந்துச்சி (college பசங்களையும் குட்டி சுவத்தயும் பிரிச்ச பாவம் நமக்கெதுக்கு). அதுல கார்த்திக்கும்(மாம்ஸ் நீங்க இல்ல) இருந்தான்( heroக்கு கார்த்திக்னு பேர் வைக்கிற படம்தான் இப்பலாம் box office hit) .

a for ambika, b for bhuvanaன்னு வெளியவே attendance எடுத்திக்கிட்டு இருந்தாங்க பசங்க. s for sandhya.....

"டேய் கார்த்தி உன் ஆளு சந்தியா வராடா"

"மச்சான், அவ எனக்கு கெடப்பாளாடா"...இது கார்த்திக்.

"கெடைக்க மாட்டாடா மச்சான்"

"ஏன்டா".

"ஏன்னா அவளுக்கு ஏற்கனவே நிச்சயதார்த்தம் முடிஞ்சிடிச்சி"

------

இத first continue பண்ணப்போறது காதல் யானை வளர்த்த blog உலக அனுராதா ரமணன், சிவசங்கரி Priya அவர்கள் (ஆமாம், இந்த மொக்கைக்கு அப்புறம் இப்படி யாராச்சும் எழுதினாதான் படம் கொஞ்சமாச்சும் ஓடும்னு நீங்க நினைக்கிறது கேக்குது).

so மக்களே சந்தோஷமா இருங்க. எல்லாரும் இந்த கதையை எழுதனுங்கறது என்னோட சின்ன வயசு கனவு. அத நிறைவேத்திடுங்க. எல்லாரும் சேர்ந்து அடிக்க வரதுக்கு முன்னாடி நான் jute :)

சாதா to special சாதா

பரிசுகளை பஞ்சிமுட்டாய் மாதிரி வாங்கும் என் குரு வேதா அவர்களுக்கு வாழ்த்துக்களையும், இன்று பிறந்தநாள் கொண்டாடிய தோழி பத்மபிரியா அவர்களுக்கு பிறந்தநாள் வாழ்த்துக்களையும் தெரிவித்துக்கொண்டு start meejic....

முன்குறிப்பு: over scene உடம்புக்கு ஆகாது.

முன்குறிப்புக்கு பின்குறிப்பு: சந்தோஷத்த பகிரிந்துக்கிட்டா ரெட்டிப்பாயிடும். துக்கத்தை பகிர்ந்துக்கிட்டா பாதியாயிடும்.

முன்குறிப்புக்கு பின்குறிப்புக்கு பின்குறிப்பு: இது மாதிரி மொக்க போட்டா உன் மண்டை காலியாயிடும்.

சரி matterக்கு வரேன். சாதாவா (சதாவோட இல்ல) பெங்களூரு போன என்ன special சாதா ஆக்கிட்டானுங்க. நான் இப்ப SAP certified development consultant for Exchange Infrastructure and Integration Process (யப்பா....இப்பவே கண்ண கட்டுதே). சென்னையில வெயில் மண்டைய பொலக்கும் போதே தெரியும்டா நாட்டுல இப்படி எதாச்சும் கெட்டது நடந்து இருக்கும்ன்னு யாரும் feel பண்ணக்கூடாது.

இனிமேல உங்களுக்கு யாருக்காவது ஜலதோஷம்னா என்கிட்ட வாங்க. vicksங்கறத சுத்தி சுத்தி எழுதி தருவேன். அத நீங்க அப்படியே சாப்டலாம்.

blog உலகமே தூங்குது. comment வரவே மாட்டேங்குது. comment போடவே ஒரே சோம்பலா இருக்குன்னு Priya feel பண்றாங்க.

blog union வரதுக்கு முன்னாடி நம்மளோட ஒரே சந்திப்பு இடம் இந்த blogதான். இப்ப எல்லாரும் mailயே பேசிக்கறதுனால comment போடவே தோனமாட்டேங்குது. ஒரே மக்கள ரெண்டு வேறு இடங்களில் சந்திப்பதில உள்ள problem இது. comment குறையறதுனால நமக்கு blog எழுதற ஆர்வமும் கொறஞ்சிடுது. இப்படியே போனா எல்லாரும் blog எழுதறத கண்டிப்பா நிறுத்திடுவோம். இப்பவே நிறைய பேரோட blogs வெறிச்சோடி கெடக்குது.

நாம எல்லாம் எப்படி சந்திச்சோமோ அந்த இடம் அப்படியே மறஞ்சி போயிடும். atleast அது நடக்காம பார்த்துக்க try பண்ணுவோம்.

நம்மால முடிஞ்ச அளவுக்கு எழுதுவோம். என்ன எழுதினாலும் comment போடுவோம்.

நான்: அப்பாடா எப்படியாவது மக்கள உசுப்பேத்தி comment வாங்கிடனும்.

நீங்க: நீ முதல்ல போன post commentக்கு replyய போடு.

பாவ்னா

மு.கு : இந்த postக்கு என்ன தலைப்பு வச்சாலும் பொருத்தமா இருக்கும். அதனால எனக்கு புடிச்ச தலைப்பை வச்சிக்கிறேன் (இது அந்த வச்சிக்கிறேன் இல்ல).

1. நேற்று பிறந்த, சே, பிறந்தநாள் கொண்டாடிய பாசத்தின் பிறப்பிடம், முதல்வர் பதவியை நாட்டாமைக்கு வழங்கிய கலியுக வள்ளல், வருங்கால அமெரிக்க ஜனாதிபதி, மாம்ஸ் மு.க அவர்களுக்கு என்னுடைய வாழ்த்துக்களை தெரிவித்துக்கொள்கிறேன்.

2. நாளை புது வாழ்வு தொடங்கும் அண்ணன் அம்பி & Ms.C (அப்பாலிக்கா Mrs.C ன்னு தானே போடுவீங்க) அவர்களுக்கும் திருமண நல்வாழ்த்துக்கள்.

என்னடா மொய் வக்க பயந்துக்கிட்டு blogலயே வாழ்த்தான்னு தப்பா feel பண்ணக்கூடாது.

உங்களை எல்லாம் கொஞ்ச நாள் நிம்மதியா விடலாம்ன்னு கம்முன்னு இருந்தேன். இருந்தேனா....ம்ம்ம் கொட்டுங்கப்பா....

நீ புடுங்கற ஆணி எல்லாம் சரி இல்ல, அதனால பெங்களூரு போய் ஆணி புடுங்கறது எப்படின்னு கத்துக்கிட்டு வான்னு என்னோட டேமேஜர் சொல்லிட்டாரு. அதனால அண்ணன்(நான்தேன்) மூட்டை முடிச்சி எல்லாம் கட்டிகிட்டு பொடி நடையா கெளம்பிட்டேன்.

அதான் உங்க கண்ணாலத்துக்கு வர முடியல. G3 அவர்கள் மூலமா வாழ்த்துக்களையும், மொய்யும் அனுப்பி விடுகிறேன். தப்பா எடுத்துக்காதீங்க.

இந்த functionல நிறைய பேர meet பண்ணலாம்னு நெனச்சிக்கிட்டு இருந்தேன் (காய போட வேண்டியதுதானே gops அண்ணன்(???!!) கேட்டகூடாது. nurseஅ site அடிச்சிக்கிட்டு நல்ல பையனா இருக்கனும்). கடவுள் அதுக்கெல்லாம் ஒரு பெரிய ஆப்பா அடிச்சிட்டாரு. அவரு எங்க இருந்தாலும் நல்லா இருக்கனும்.

மக்களே இன்னும் ஒரு மாசத்துக்கு நீங்க எல்லாம் நிம்மதியா இருக்கலாம். முடியும் போதெல்லாம் உங்க கடை பக்கம் வந்துட்டு போறேன்.

எல்லாரும் சந்தோஷமா இருங்க.

போறதுக்கு முன்னாடி...

என்னதான் குளுகுளுன்னு இருந்தாலும்
icecreamஅ வச்சி shave பண்ண முடியுமா.
இல்ல, வாசனையா இருக்குன்றதுனால
shaving creamஅ நக்கி நக்கி சாப்ட முடியுமா.

பேரு வச்சியே, சோறு வச்சியான்னு யாரும் பல்லுமேல வாய போட்டு கேட்டுட கூடாதுலே...அதாம்லே....ஹி..ஹி..ஹி...

கிறுக்கல்ஸ்

நெருங்கும் போது
முகம் திருப்பிக்கொள்ளும் தேவதை
நீ
விலகும் போது
முத்தத்தில் கொல்லும் ராட்சஷி
நீ

பிரிந்திருந்த
வெயில் நான்
மழை நீ
மேகத்தை சற்று
ஏமாற்றிவிட்டு
ஒன்றானபோதுதான் தோன்றியது
வானவில்

இதயம் இல்லாமல்
வாழ்பவன் நான்
இரண்டு இதயங்களில்
வாழ்பவள் நீ
இருவரையும் படைத்தது
காதலெனும்
கடவுள்

உன்
உதட்டின் ரேகை
வருடியபோது
வளர ஆரம்பித்தது
என்
ஆயுள் ரேகை

வாழ்க்கை
தவம்
நீ
வரம்

P.S:
மனசாட்சி: ஏண்டா, இப்படி கவிதைங்கற பேர்ல எல்லாரையும் மண்ட காயவைக்கிற?

நான்: அதெல்லாம் ஒரு கொலை, சே, கலை. உனக்கு புரியாது.

ம: கொலையேதான். மத்தவங்களுக்கு மட்டும் புரியுதா என்ன?. எல்லாம் ரத்தகளரியோட தான திரும்பி போறாங்க.

நா: உனக்கு பொறாமை.

ம: ஆமாம். அப்புறம் இந்த காதலை விடவே மாட்டீங்களாடா. ஆளாளுக்கு அத அடிச்சி, தொவச்சி, புழிஞ்சி பாவம் உயிருக்கு ஊசலாடிக்கிட்டு இருக்கு. அத வுட்ருங்களண்டா.

நா: முடியாது. அதெல்லாம் தமிழ் கலாச்சாரம். விட முடியாது. குழந்தை எப்படி முதல்ல அம்மான்னு சொல்லுதோ அது மாதிரி கவிதைன்னா காதல்ல தான் ஆரம்பிக்கனும். அட இதுவே கவித மாதிரி இருக்கே...ஹி..ஹி.

ம: அடங்கொக்கா மக்கா. சரி, இதுக்கெல்லாம் inspiration யாருன்னு எல்லாரும் கேட்கறாங்கல்ல, அதயாச்சும் சொல்லித்தொலையேன்.

நா: inspiration எல்லாம் ஒன்னும் இல்ல. எல்லாம் perspiration தான். மண்ட காஞ்சி போய் இருக்கற ஒரு நாள்ல, மல்லாக்க படுத்துக்கிட்டு, ஒரு கால இன்னொரு கால் மேல தூக்குபோட்டு, பாதி கண்ணை மூடிக்கிட்டு விட்டத்த பார்த்துக்கிட்டே இருந்தா இது மாதிரி கவிதை எல்லாம் வரும். சென்னை வெயிலுக்கு fan போடாம இருந்தா இன்னும் betterஆ கூட கிடைக்கலாம்.

ம: கடவுளே, இந்த dog கிட்ட இருந்து என்ன கொண்டுபோய் முதியோர் இல்லத்துல வுட்ருங்க. இவன் கூட இருந்து நான் படுற அவஸ்த தாங்க முடியலடா சாமி.

தாத்தாவும் நானும்

என்னடா இது?
இதான் தாத்தா laptop.
அப்படின்னா?
lapனா மடி, topனா மேல. மடி மேல வச்சிக்கிற computer.
அட போக்கத்தவனே. அந்த காலத்துல என் மடி மேல உன் பாட்டிய உட்கார வச்சிப்பேன். இப்ப என்னடான்னா எதோ பொட்டிய வச்சிக்கிறானுங்க.
------------

என்னடா பன்றா?
blog அடிக்கறேன் தாத்தா.
ப்ளாக்கா அப்படின்னா?
அத எப்படி சொல்றது....ம்ம்ம்
ஏண்டா, கருப்ப தான இங்கிலீஸ்ல ப்ளாக்கும்பீங்க. அத சொல்லறதுக்கென்ன கொசக்கெட்டவனே.
-----------

டேய், உன்ன பார்க்க ஒரு பொண்ணு வந்துருக்கு.
தாத்தா...அவன் பையன்.
அடப்பாவி, முடி வளத்து சட பிண்ணி இருக்கான். கடுக்கன் போட்ருக்கான். பின்னாடி இருந்து பார்த்தா பொட்டபுள்ள மாதிரியே இருக்கான்.
அதான் தாத்தா இப்ப fashion.
என்னடா அவன் முடி பச்ச கலர்ல செம்பட்ட பாஞ்சிருக்கு?
தாத்தா...அது செம்பட்ட இல்ல. சாயம் பூசி இருக்கான். அதுவும் fashion.
ஏண்டா, உங்க பேஸன்ல, சோத்த வாயில தான போட்டுக்கறீங்க. இல்ல வேற எங்கயாச்சுமா.
------------

உன் பொண்டாட்டி எங்கடா?
அவ office போயிருக்கா. அவளுக்கு ராத்திரி shift தாத்தா.
நீ காலையில போயிடுவியா?
ஆமாம் தாத்தா.
அப்புறம் எதுக்குடா ரெண்டு பேரும் கல்யாணம் பண்ணிக்கிட்டீங்க.
-----------

போன மாசம் உங்க பெரிய தாத்தன் சாவுக்கு ஏன் வரல நீ.
எங்க தாத்தா, எங்க ரெண்டு பேருக்குமே officeல பயங்கர வேலை. வர முடியாத நெலம.
ஓ. சாயந்தரம் உன் பொண்டாட்டி அபியோட அம்மா செத்துட்டான்னு அழுதா. யாருடா அது அபி?
தாத்தா....அது கோலங்கள்ன்னு ஒரு TV நாடகத்துல வர பொண்ணு.
தாத்தன் சாவக்கூட டிவி பொட்டியில காட்டியிருந்தா அழுதிருப்பீங்களோ.

-----------

எவ்ளோடா சம்பாத்திக்கிற?
மாசம் 50,000 தாத்தா.
ராத்திரியில நல்லா தூங்குறியா?
எங்க தாத்தா. நல்லா தூங்கி வருஷ கணக்காகுது.
உன் வயசுல எனக்கு சம்பளம் 50 ரூவா தாண்டா. நான் கட்டய சாச்சா பொணம்தான். கோழி கூவுரவரைக்கும் என்ன நடந்தாலும் தெரியாது.
-----------

எப்படா புள்ள பெத்துக்க போறீங்க?

எங்க தாத்தா. முதல்ல ஒரு வீடு வாங்கனும். அப்புறம் ஒரு car வாங்கனும். அப்பறம் தான் குழந்தய பத்தி எல்லாம் யோசிக்கனும்.
சரி தான். நீங்க ரெண்டு பேரும் வேலைக்கு போயிட்டா உன் புள்ளய வீடும் காரும் தான பாத்துக்கனும்.
----------

சரிடா, நான் ஊருக்கு கெளம்பறேன்.
சரிங்க தாத்தா. போயிட்டு போன் பண்ணுங்க.
டேய் ஒன்னு சொல்றேன் மனசுல வச்சிக்க.

இந்த பூமியில நாம பொறந்தது வாழறத்துக்குடா. வெறுமனே உசுரோட இருந்து செத்து போறதுக்கில்ல. புரியுதா.

பாட்டு மச்சி பாட்டு

வித்யாசாகர் ரொம்ப பெரிய music directorஆ இல்லாதப்ப போட்ட பாட்டு இது(படம்: பிரியம்). எல்லா பாட்டுமே superஆ இருக்கற இந்த படத்துல எனக்கு ரொம்ப பிடித்த பாடல் இது. Again, வைரமுத்து rocks :)

[எல்லா பாடலும் கேட்க]
பிரியம்

[இந்த பாடல் மட்டும் கேட்க]
ஆதாம் ஏவாள்

[படித்துகொண்டே ரசிக்க]

[பல்லவி]

ஆதாம் ஏவாள் மூட்டிய நெருப்பு
அடுத்து வந்தவர் கூட்டிய நெருப்பு
அந்த நெருப்பு...எந்த நெருப்பு

கண்கள் இரண்டில் பற்றும் நெருப்பு
கடைசி வரைக்கும் தொற்றும் நெருப்பு
அந்த நெருப்பு...அந்த நெருப்ப்பூ

எந்த நெருப்பு...எந்த நெருப்ப்பூ

உள்ளத்தில் உறவை வார்க்கும் நெருப்பு
உன்னையும் என்னையும் ஈர்க்கும் நெருப்பு
அந்த நெருப்பு...காதல் நெருப்பு

[சரணம் 1]

காதல் என்பது காற்றை போல
காலங்கள் தேசம் பார்ப்பதில்லை

காதல் என்பது தீயை போல
எதிலும் பற்றும் கேள்வியில்லை

காதல் என்பது வெள்ளம் போல
கரைகளை வெள்ளம் கேட்பதில்லை

காதல் என்பது ஒட்டகம் போல
பாலைவனத்திலும் வேர்ப்பதில்லை

இதயம் காதல் கொண்டுவிட்டால்
இமயம் கூட தவிடுபொடி

காதல் கட்டளை இட்டுவிட்டால்
வானம் வந்து வணங்குமடி

ஆவி சிலிர்த்து சொல்லுகிறேன்
long live love
அண்டம் நடுங்க சொல்லுகிறேன்
long live love

[ஆதாம் ஏவாள்...]

[சரணம் 2]

காதல் என்பது பூவனம் அல்ல
போர்க்களம் என்றால் என்ன செய்வாய்

மாலை விடுத்து காதல் கையில்
வாளை எடுத்தால் என்ன செய்வாய்

மாலை ஏந்தி வந்தாலும், ஒரு
வாளை ஏந்தி வந்தாலும்
இரண்டையும் ஒன்றாய் பாவிப்பேன், நான்
எதையும் எதிர்த்து சாதிப்பேன்.

அயிரை மீன்கள் துணிந்துவிட்டால்
அட்லாண்டிக்கடல் பெரிதல்ல

சிட்டுகுருவிகள் நினைத்துவிட்டால்
சீன பெருஞ்சுவர் தடையல்ல

ஆவி சிலிர்த்து சொல்லுகிறேன்
i love you
அண்டம் நடுங்க சொல்லுகிறேன்
i love you

[ஆதாம் ஏவாள்...]

P.S: ஒன்னும் சொல்றதுக்கில்லை. எதோ உங்களால முடிஞ்சத.... :-)

அழகு ஆறு

எனக்கு பிடித்த அழகுகளில் ஆறு எழுதச்சொல்லி மாம்ஸ் அன்புக்கட்டளை போட்டிருந்தார். பாவனாவ பத்தி எழுதுன்னு அவர் directஆவே சொல்லி இருக்கலாம். சந்தோஷ பட்டிருப்பேன். இருந்தாலும் அன்புக்கு நான் அடிமை. So start meejic...

1. அம்மா: அது எப்படி உலகத்தில் எல்லா அம்மாக்களும் அழகாக இருக்கிறார்கள். அவர்கள் ஊட்டி விடும் உணவு மட்டும் எப்படி எப்பொழுதும் sema tasteஆ இருக்கு.

2. அழகு: தமிழில் அழகு என்ற சொல் அழகாக இருப்பதால் அதை அழகானவற்றை குறிக்க பயன்படுத்துகிறோமா, இல்லை, அழகானவற்றை குறிக்க பயன்படுத்துவதால் அந்த சொல் அழகாக இருக்கிறதா.

3. தமிழ் பெண்கள்: சின்ன வயதில் இருந்தே site அடிச்சே வளர்ந்ததாலோ என்னவோ, அவ்வப்பொழுது மலையாள கரையோரம் ஒதுங்குவது மாதிரி தெரிந்தாலும், தமிழ் பெண்களின் அழகிற்கு நான் அடிமை.

4. பாடல்: ராஜபார்வையில் வரும் 'அழகே அழகு' (inspite of its popularity being suppressed by அந்தி மழை) and பாட்ஷாவில் வரும் 'நீ நடந்தால்'. அழகு என்றவுடன் என் நினைவிற்கு வருபவை.

5. மழலை நடை: மயில் அழகு, மான் அழகு என்பார் தத்தி தத்தி வரும் மழலை நடை அழகு பார்க்காதோர்.

6. நீ(ங்கள்): உலகத்தின் அழகு எல்லாம் ஒன்றே ஒன்று, உன் கண்ணாடி பார்த்துவிடு புரிந்து போகும்.

Me tagging

1. K4karthik
2. Raji
3. Ramya
4. Sachin Gops
5. SKM
6. Veda

நீயும்.....நீயாகிய நானும்

நீ சூரியன்
நான் பூமி
உன்னை சுற்றுபவன்
நான்
என்னை சுட்டெரிப்பவள்
நீ

நீ
போடும் கோலத்தில்
சிறைப்பட்ட
புள்ளி நான்
விட்டு விலகவும்
மனமில்லை
வெளியே வரவும்
வழியில்லை

என்
காதல் கடிதங்களில்
முதல் வரி நான்
முகவரி நீ

கொக்கிடம் தப்பி
தூண்டிலில் மாட்டிய மீன்
நான்
காதலிலெல்லாம் தப்பித்து
உன் கண்களில்
மாட்டிக்கொண்டேன்

எதை நினைக்கிறாயோ
அதுவாகவே ஆகிறாய்
உன்னை காதலித்து
காதலாகி போனேன்

P.S: கவிதைக்கு (???) comment போடுற மாதிரி ஒரு கஷ்டமான வேலை இருக்குமான்னு தெரியல. கண்டிப்பா 'நல்லா இருக்கு'ன்னு தான் சொல்லனும். நல்லா இல்லனு சொல்லிட்டு இந்த இடத்தை விட்டு போயிட முடியுமா என்ன. auto, lorry ஏன் இப்பலாம் சொந்தமா flight செஞ்சி வீட்டுக்கு வரும். எல்லாருமே நல்லா இருக்குன்னு சொன்னா அதுல எதாச்சும் உள்குத்து, orkutu இருக்கான்னு தெரியாது.

நிஜமாக 'நல்லா இருந்து' எல்லாரும் 'நல்லா இருக்கு'ன்னு சொன்னதுக்கு அப்புறம் நாமலும் போய் 'நல்லா இருக்கு'ன்னு சொன்னா அந்த 'நல்லா இருக்கு'க்கு effect இருக்குமா (இது பற்றி குரு கிட்டக்கூட கேட்டேன்). நாம படிக்காமலயே 'நல்லா இருக்கு'ன்னு சொன்னதா நெனச்சிடுவாங்களோ.

எவ்ளோ கஷ்டமப்பா!

இவ்ளோ கஷ்டத்துக்கு நடுவுலயும் நீங்க எல்லாம் பொறுமையா comment போட்டுட்டு போறீங்க பாருங்க. அவ்வ்வ்வ்வ்வ்வ்வ்வ்.

ரொம்ப நன்றி ஹை !

மறந்து போன மனிதநேயம்

scene 1:

காலையில டீ குடிக்க போனேன்.

டீ கடையில ஒரு சின்ன பையன். படிச்சி இருந்தா அவன் ஐந்தாவது படிக்கனும். அங்க வேலை பார்க்கிறான். திடீர்னு டீ மாஸ்டர் mobileக்கு ஒரு call வருது. அந்த பையன் வீட்ல இருந்து பேசறாங்க. அந்த பையன் வாங்கி

"ஆங், சொல்லுமா" என்கிற போது அவன் குரல் உடைகிறது. அங்க பேசுற அவனோட அம்மா மனசு எப்படி இருந்து இருக்கும்.

"சீக்கிரம் பேசிட்டு, இந்த டீயை எடுத்துட்டு போ". இது மாஸ்டர்.

scene 2:

office முடிஞ்சி bus-ல வரேன். ரோட்டோரத்தில ஒரு சின்ன பையன் அவனை விட ரெண்டு மடங்கு எடையுள்ள புத்தக மூட்டைய தூக்கிட்டு தள்ளாடி தள்ளாடி நடந்து போறான். இவனும் ஐந்தாவதுதான் படிக்கனும். அந்த பக்கம் வரும் motoristகிட்ட எல்லாம் கைய காட்டி lift கேட்கிறான்.

யாரும் நிறுத்தல. ஆனாலும் அவன் முகத்தில கவலை இல்ல. ஒவ்வொரு தடவை lift மறுக்கப்படும் போதும் சிரிச்சிக்கிட்டே தள்ளாடி நடக்கிறான். நான் பார்த்த வரைக்கும் ஒரு 10 பேர்கிட்ட கேட்டான்

ஒருத்தர் கூட தரலை. ஏன் நிறுத்த கூட try பண்ணல.

-------------

ரெண்டு பேர் வெட்டிக்கிட்டு சாகும் போது எனக்கு வருத்தம் ஏற்படுவதில்லை. ஆனா இது மாதிரி நிகழ்வுகள் என்னை உலுக்கிடுது.

காசு மட்டுமே துரத்துர மனிதர்களின் இதயம் கூட concrete கல் தான் போல.